اذان کے آگے یا پیچھے کچھ الفاظ کا اضافہ کرنا کیسا ہے

اذان کے آگے یا پیچھے کچھ الفاظ کا اضافہ کرنا کیسا ہے؟ْ

اذان سے پہلے اور بعد میں اذان کے مقررہ الفاظ کے علاوہ دیگر کسی قسم کے الفاظ کا اضافہ کرنا کیسا ہے؟
بینوا توجروا

المستفتي : محمد شفیع پالی والے ۴۵ بوسی کی گلی گولکھا مندر کے پاس پوسٹ یالی راجستھان ۳۰۶۴۰۱

بسمِ اللهِ الرَّحْمَنِ الرَّحِيم

الجواب:

اگر اس سے تثویب مراد ہے یعنی اذان کے بعد نماز کے لیے دوبارہ اعلان کرنا جیسے
الصلاة، والصلاة يا قامت، قامت، يا الصلاة والسلام عليك يا رسول الله وغیرہ
اپنے اپنے عرف کے مطابق تو یہ مستحسن ہے سوائے مغرب کے

جیسا کہ فتاوی ہندیہ باب الاذان میں ہے:

التثويب حسن عند المتأخرين فى كل صلاة الا فى المغرب هكذا في شرح النقاية للشيخ ابى المكارم وهو رجوع الموذن الى الاعلام بالصلاة بين الاذان والاقامة وتثويب كل بلدة على ما تعارفوه اما باللتخنح او بالصلاة الصلاة او قامت، قامت لانه للمبالغة في الاعلام وانما يحصل ذلك بما تعارفوه كذا في الكافي اھ ( ج۱ ص ٥٦)

یا اذان سے پہلے درود شریف پڑھنا یہ بھی درست ہے اذان کے کلمات میں اضافہ نہیں ، درود شریف پڑھنے سے روکنے کے لیے وہابیہ نے طرح طرح کے شبہات لوگوں میں پھیلا رکھے ہیں لیکن سنیوں کو ان کے بہکاوے میں نہ آنا چاہیے۔ واللہ تعالیٰ اعلم

كتبه : محمد ارشد رضا مصباحی
۲۸ جمادی الآخر ۱۴۲۵ھ

الجواب صحیح : محمد نظام الدین رضوی برکاتی
الجواب صحیح : محمد ابرار احمد امجدی برکاتی